شيلوا السلاح
ملعون ابوك يا سكوتيا زل ناس مكبوت
يا صرخة محبوسة فى قلب قلب تابوت
يا أرض متباعة
على ألف شماعة
يا ضحكة خدّاعة
ضحكة ما قبل الموت
يا بنت فى صورة مصلوبة
وحتى الصورة مقلوبة
يا نعمة وثروة منهوبةمافاضلش منها القوت
اصرخ بعلو الصوت
وعشان نشوف النهار
وتعودى دنيتنا
هجمنا هجم التتار
وحفرنا سِكتنا
ولا قتل سَكتنا
ملعون ابوك يا خوف
ماتجيش ناحيتنا
شيلنا فى ايدينا الكفن ..
والحلم ودّانا
وفضلنا نهتف .. ونهتف ..
والشعب ويّانا
ملعون ابوك يا سكوت ..
ما تعيشّى جوّانا
ده الفجر قِبلتنا ..
والدم وضّانا
حلمت بيكى فى المنام ..
وفضلت أَبنى فى الخياموكسرت كل قيود حديد ..
وكل تماثيل الرخام
وعرفت صوتك فى الزحام ..
لما ندهتيلى
انا دقت طعم الحياة ..
لما ظهرتيلى
ورجعلى عمرى اللى تاه ..
لما شاورتيلى
وانا قلبى من الفرحة انتشى ..
داب واختشى ..
من بعد مرضه قام مشى ..
لما غمزتيلى
يا دفء الضمّة والأحضان ..
يا صوت اللمّة والجيران
يا صوت اللمّة والجيران
يا أم وقاعدة على الكرسى ..
وأب بيقرا فى القران
يا طعم اللقمة فى دارى ..
يا غنوة تحلّى مشوارى
يا قصة حب هزلية ..
ومكتوبة فى أخبارى
مين اللى صفّا العين ؟
مين اللى باع الدم ؟
مين اللى عرّاكى .. ؟
وهو مش مهتم
مين اللى غش الشعب .. ؟
وحط ليكى السم
مين اللى خان الامانة .. ؟
وراضى ليكى المهانة
وعاملّى نفسه معانا ..
وبايده باع الحلم
يا نادهالى وهمسالى فى عز الليل
انا بطشك بأعدائك وصوت الخيل
يا بنت الناس يا مغصوبة
يا فرع أصيل
انا نازل اجيب حقك .. خارج كالسّيل
يا صوت الفاس
يا عرق الناس
يامر الكاس
انا الايد اللى ساقيانى
وانا الشارب وانا المحتاس
وانا مرّك ماقسّانى
امانة اسقينى من تانى
يا طعم بيوت يا عقد ياقوتيا تار مثبوت
انا الايد اللى قاتلانى
انا الغلبان وانا الهلفوت
انا القاتل وانا الجانى
امانة تعودى من تانى
انا نازل عشان خاطرك
امانة تعودى من تانىانا أدمنت ريح عطرك
يا مطلوقة فى شريانى
يا مزروعة على قبرى
يا مكتوبة فى اشعارى
خلص الكلام
يا رفاقة شِدّوا الحزام
يا غاز مسيّل للدموع
ما فيش رجوعيا ضربة جاية فى الضلوع
يا ايدين بالدّم متعاصة
يا كلاب حراسة
وحاضر تمام
يا ف كل بناية قناصة
ب 600 ألف رصاصة
قاتلة الحمام
خلص الكلام
يا رفاقة شدّوا الحزام
ما دام سلمية ما نفعتش
شيلوا السلاح
دماء شهداءنا ما راحتش
سداح مداح
مادام الشمس ما ظهرتش
شيلوا السلاح
عشان شهداءنا وضحايانا
والدم اللى ساح
عشان ارواحهم فى قبورهم تقدر ترتاح
شيلوا السلاحشيلوا السلاح .. الروح ترتاح
شيلوا السلاح يهون الكفاح
شيلوا السلاح يِهل الصباح
شيلوا السلاح
شيلوا السلاح
شيلوا السلاح
هناك 3 تعليقات:
الله عليك
اشكرك
الحرية لم تخلق الا للذين يحملون اراحهم على اكفهم
في بداية الثورة السورية كانت الثورة سلمية وبدون سلاح وكانت لي وقتها معرفة باحد منظري الثورة الذي صرت اسمع منه بعد فترة دعوة لحمل السلاح و القتال و الكلام الحماسي هذا كله . كنت احاول ازاحة الفكرة من راسه لكن الفكرة يبدوا انها كانت توجه عام لتيارات معينة بالثورة ربما جاءتهم من خارجهم وهم لا يعلمون .... النتيجة كانت ان دمر البلد وزادت الانشقاقات ووصل الامر ان تقسيم البلد صار لامحالة متحقق . احذروا طريقة التفكير هذه فالبلد وارواح ابنائه امانه في اعناقكم ومصر لاغنى لاحد عنها فحافظوا عليها ... تذكروا ان هناك العديد من الطرق غير القتل و السلاح ولكم فيما فعل غاندي درس بليغ
إرسال تعليق